جدتي 2

صاح وكيل النيابة وقفل الكراسة: “معتز مش مجرد قاتل مريض.. معتز كان حافر الشقة ومكسر الخرسانة في جدار الأوضة المقفولة لعمق أربعة متر تحت الأرض! وفريق الأدلة الجنائية وهو بيستخرج الجثة التانية، اكتشف فتحة نفق صغير مستخبية ورا جدار الجص المكسور.. الفتحة دي نازلة لأعماق العمارة، ولحد دلوقت النيابة بتفحص الفتحة دي بمساعدة خبراء الآثار والطب الشرعي!”

في اللحظة دي، دخل ضابط تاني المكتب وهو شايل ملف أحمر وأعطاه لوكيل النيابة وهو بيلتقط أنفاسه بصعوبة وقال: “يا فندم.. التقرير المبدئي لمعاينة النفق جه من الموقع.. الخبراء نزلوا النفق اللي تحت بلاط الأوضة، ولقوا حاجة تحت الشقة ما كانتش على البال ولا على الخاطر!”

وكيل النيابة فتح الملف بسرعة وقرأ السطور الأولى، ووشه اتغير تماماً وانعقدت حواجبه بذهول وهو بصلي وقال: “التقرير بيقول إن النفق الممتد تحت بلاط شقتك مش واصل لأرض العمارة بس.. النفق ممتد بسرداب قديم جداً واصل لغاية المقابر القديمة اللي ورا الشارع الرئيسي.. وجوة السرداب ده لقوا متلقيات ومتعلقات شخصية تخص بنات تانين غير سعاد ورانيا!”