جوزي 1

أيديا كانت بتترعش وأنا بفتح الدولاب وبطّلع شنطة صغيرة، حطيت فيها هدوم لملك وهدوم ليا. ملك كانت واقفة جنب الدولاب بتبصلي بذهول وقالت:— احنا مسافرين يا ماما؟ وبابا مش هييجي معانا؟قلتلها وأنا بحاول أبتسم وعيني مليانة دموع:— هنروح عند تيتة شوية يا ملك.

.. بابا عنده شغل متأخر النهارده. فجأة، رن تليفوني. صوت الرنة في هدوء الشقة كان يرعب. بصلت في الشاشة… كان “أحمد”.جسمي اتخشب. صباعي كان يترعش فوق الشاشة ومش قادرة أرد. فضلت الرنة شغالة لحد ما فصلت. وبعد ثواني، رن تاني.

بلعت ريقي بالعافية وفتحت الخط وحطيت التليفون على ودني من غير ما أنطق. جالي صوته الهادي. .. الهدوء المريب اللي كان دايمًا بيريحني، والنهاردة بقى بيقـ,ـتلي:— ألو… سارة؟ حبيبتي ما بتكرديش ليه؟ إنتِ كويسة؟حاولت أطلع صوتي طبيعي على قد ما أقدر:— أه.

.. أه يا أحمد، معلش كنت في الحمام وما سمعتش التليفون. سكت ثانية على الناحية التانية. ثانية كاملة كانت كفيلة تخلي نبضات قلبي تضـ,ـرب في ودني. وبعدين قال بنبرة متغيرة شوية:— الشوربة عجبت منى؟ أنا شفت عربيتها تحت العمارة وأنا معدي بالصدفة.

رجلي ما شالتنيش وقعدت على حرف السرير. هو شاف عربية منى؟ — أه… عجبتها. بس… بس هي استأذنت مشيت بسرعة عشان جيلها شغل مستعجل في الطب الشرعي. أحمد سكت تاني. الهدوء ده كان أشبه بالسـ,ـكين. وبعدين قال بصوت واطي أوي:— طب كويس.

.. بالهنا والشفا يا حبيبتي. اطفئي النار تحت الحلة بقى، وأنا قدامي ساعة بالضبط وأكون عندكم. .. عاملكم مفاجأة للطبخ النهارده. قبل ما أرد، قفل الخط. ساعة… قدامي ساعة واحدة بس عشان أخرج من البيت ده. سحبت الشنطة وإيد ملك بسرعة، وخرجت للصالة. وبطريقة تلقائية، عيني جات على المطبخ.

رجلي سحبتني لجوه من غير ما أحس. كان فيه حاجة جوايا بتقولي إن السر كله جوه المطبخ ده. المكان اللي أحمد يقضي فيه ساعات كل يوم، ويرفض تمامًا إن حد يدخله وهو بيطبخ. قربت من الحوض. الشوربة اللي منى دلقتها كانت لسه بقاياها موجودة.

مسكت المعلقة وبصيت في القاع… كان فيه قطع لحمة متقطعة مكعبات صغيرة جدًا. اللحمة دي… أحمد كان دايمًا بيجيبها متقطعة وجاهزة ومتبلة من بره، وكان بيحظر عليا ألمسها أو أفتح الأكياس بتاعتها، وكان يقول: “دي خلطة لحمة بتتبيلة خاصة من جزار معرفة، لو اتعرضت للهوا بتخرب.