جوزي 2
فتح الأوضة وشال ملك اللي كانت بتترعش وتعيط بحـ,ـرقة، وضمني ليها بإيد، ويده التانية كانت مسكت السـ,ـكين الكبير بتاع المطبخ اللي كان مخبيه في جيبه الخارجي!صرخت بذهول:— أحمد لأ! بلاش ملك! أرجوك بلاش البنت!أحمد زقنا إحنا الاثنين قدامه ناحية الممر المودي للطرقة الخلفية بتاعة المطبخ. ..
الطرقة اللي بتودي لباب الخدمة الصغير أو سلم الطوارئ القديم اللي في ضهر العمارة، اللي محدش في العمارة كلها بيستخدمه أو يعرف إنه مفتوح!الباب الخارجي للشقة اتكسر بصوت انفجار قادت فيه الخشب والحديد. سمعت صوت أقدام تقيلة جدًا بتجري في الصالة، وصوت منى بتصرخ للظباط:— ادخلوا على الأوض جوة بسرعة!
سارة وملك جوة!أحمد كان أسرع. فتح باب سلم الطوارئ الخلفي، وزقني أنا وملك لجوه الضلمة، ودخل ورانا وقفل الباب الثقيل بالمفتاح من جوة ونزع المفتاح ورماه في الضلمة!السلم كان ضلمة كحل، وريحته تراب ورطوبة قديمة.
أحمد مسك دراعي وشدني لتحت وهو بيجري بينا في الضلمة، وقال بنبرة مليانة جنون وحسم:— المباحث فاكراني محاصر فوق… مش عارفين إن الشقة دي ليها خروج تاني. دلوقتي إحنا هنخرج من الباب الخلفي للعمارة… وفيه عربية مستنيانا على الطريق الصحراوي.
دموعي كانت نازلة وملك ماسكة في رقبتي بكل قوتها مرعوبة. كنت بحاول أقاوم خطوة بخطوة، بس مسكته والسـ,ـكين اللي في إيده كانت بتمنعني أعمل أي حركة. نزلنا درجات السلم بسرعة رهيبة لحد ما وصلنا للباب الحديدي السفلي اللي بيفتح على الشارع الخلفي الضيق.
أحمد طلع مفتاح تاني من جيبه، وحطه في كالون الباب الحديدي، ولفه… الباب اتفتح على الشارع الضيق المغلم بالضلمة. لكن أول ما خطى أول خطوة لبره…إضاءة كشافات عربيات قوية جدًا ضربت في وشنا كشفت الضلمة كلها!وصوت حاد جداً نزل عبر مكبر صوت من قُرب:— اثبت مكانك يا أحمد!
ارمي السـ,ـكينة وإيدك فوق رأسك! الشارع كله متقفل!الكشافات القوية كانت عامية عينينا تماماً. إضاءة بيضاء وسارينات بوليس بتلعلع في الشارع الخلفي الضيق. صوت مكبر الصوت كان بيهز العمارة:— ارمي السـ,ـلاح اللي في إيدك واخرج بإيدك فوق رأسك! الشارع كله متقفل!أنا وملك كنا ماسكين في بعض وبنرتعش.
في اللحظة دي، حسيت بأحمد بيتشد لورا خطوة، ومسكته على دراعي تقلت لدرجة كانت هتقطع لحمي. بصيت عليه من بين الضوء العالي… ماكانش خايف، كان وش ملطخ بغضب وجنون مكتوم. رفع السكـ,ـينة المطبخ الكبيرة وثبتها بالقرب من رقبتي، وسحبني أنا وملك لقدامه عشان نكون درع بشري ليه قدام رصاص الشرطة!
