لقيت بنتي 3

الساعة جاب 6 الصبح.

الشمس بدأت تطلع، وشريف ما كانش غمض له جفن. عينيه كانت حمرا كأنها دم، والأوراق كانت متناثرة ومليانة شخبطة وأرقام غلط. الميزانية كانت أصلح ما تكون لورقة لعبة مش لميزانية شركة مقاولات كبرى.

مسك الشنطة بتاعته بأيد بتترعش، وحط فيها الملف زي ما هو.

داليا كانت قاعدة على الكنبة، طافية ومكسورة، وبصت له وهي بتقول:

— هتعمل إيه يا شريف؟

شريف بص لها بنظرة ميتة وقال:

— هروح الشركة.. وهحاول أترجى الأستاذ مجدي يدينا مهلة يومين. ولو ما وافقش.. يبقى خلاص، حياتنا اللي كنا عايشينها انتهت.

خرج شريف من البيت، وداليا فضلت قاعدة لوحدها في الصالة المكركبة. المكان كان ريحته مش حلوة، بقايا الدليفري بتاع امبارح مرمية على السفزة، والأطباق غرقانة في الحوض. لأول مرة من أربع سنين، داليا تحس بالبيت ده قد إيه كئيب وتقيل من غير وجودي.

في نفس الوقت، الساعة 8 الصبح، أنا كنت قاعدة في بلكونة الزمالك، بلكونة مطلة على الشجر والشوارع الهادية. كنت ماسكة فنجان الشاي باليانسون الدافئ، وبقرأ الجريدة اليومية بنظارتي، وفي حالة من الهدوء النفسي اللي ما حسيتش بيها من يوم ما حسن الله يرحمه .

التليفون رن. كان عماد.

— صباح الخير يا طنط سعاد. جاهزة؟

— صباح النور يا عماد. جاهزة لإيه؟

— المحضر في طريقه حالياً لبيت شريف وداليا لتسليم التنبيه الرسمي بالإخلاء أو دفع الإيجار. وفي نفس الوقت، موكلي في قسم الشرطة بيجهز المحضر الخاص بطلب معاينة لإثبات حالة الأضرار والتعديات اللي تمت على الجزء الخاص بيكي في الدور الأرضي.

ابتسمت بهدوء وقلت له:

— تمام يا عماد.. كمل إجراءاتك القانونية عادي جداً.

— وطب وبخصوص شريف والشركة؟

تنهدت وقلت:

— شريف دلوقتي في مكتب الأستاذ مجدي يا عماد.. والنتيجة أنا عارفها كويس من غير ما أكون هناك.

في مكتب شركة المقاولات بمدينة نصر، الساعة 8:45 صباحاً.

شريف كان واقف قدام مكتب الأستاذ مجدي، والملف المفتوح كان محطوط بين إيدين مجدي، اللي كان بيقلب في الصفحات ببطء

مجدي رفع رأسه وبص لشريف بنظرة ساردة وخالية من أي رحمة:

— هي دي الميزانية المعدلة يا شريف؟

شريف بلع ريقه وصوته كان بيترعش:
— يا.. يا فندم، أنا حاولت أظبط الفروق الضريبية، بس الأرقام كانت محتاجة وقت أطول.. لو حضرتك تديني مهلة 48 ساعة بس..