متجوزة وعندي 3 بنات
وقالت بخوف:
“ماما… في إيه؟”
حـ,ـضنتها بسرعة.
كنت لازم أحميهم.
رفعت التليفون وطلبت الشرطة فعلًا.
قلت بصوت واضح قدام الباب:
“لو ما مشيتوش دلوقتي… البوليس في الطريق.”
سكتوا لحظة.
واضح إنهم اتفاجئوا.
بعد ثواني…
سمعت صوت خطواتهم وهم ماشيين.
بصيت من الشباك.
لقيت حسام بيركب العربية وهو غاضب جدًا.
لكن قبل ما يمشي…
بص للشباك… وشاور بإيده بعلامة تهديد.
حسيت برعشة في جسمي.
—
تاني يوم…
المفاجأة حصلت.
المحامي اتصل بيا وقال:
“لازم تيجي المحكمة فورًا.”
قلت بقلق:
“ليه؟”
قال:
“جوزك قدم بلاغ.”
قلت بصدمة:
“بلاغ بإيه؟!”
قال:
“بيقول إن انتي اللي سـ,ـرقتي دهبه وفلوسه من البيت.”
وقفت مش مصدقة.
قلت:
“ده كذب!”
قال المحامي:
“عارف… بس الموضوع كده بقى قضي..ة قدام المحكمة.”
قفلت التليفون وأنا مصدومة.
واضح إن حسام قرر يعمل أي حاجة علشان يضغط عليّ.
لكن اللي ماكنتش أعرفه…
إن الحقيقة الكاملة عن حسام…
هتظهر فجأة.
وفي يوم الجلسة الأولى في المحكمة…
هيدخل شخص غير متوقع…
ويقول جملة واحدة هتخلي القاعة كلها تتصدم.
لكل عشاق القصص الكامله بدون مقاطعة اعملو متابعة لصفحه رومانى مكرم
يوم الجلسة… صحيت بدري جدًا.
قلبي كان تقيل.
مش علشان الطلاق بس…
لكن علشان الكذب اللي حسام قاله.
إزاي قدر يقف قدام الناس ويقول إني سـ,ـرقت دهبه وفلوسه… وهو اللي سـ,ـرق دهبي؟
لبست هدومي بهدوء.
مريم قربت مني وقالت:
“ماما… انتي رايحة المحكمة؟”
ابتسمت رغم التعب.
قلت:
“أيوه يا حبيبتي.”
مسكت إيدي وقالت:
“إحنا معاكي.”
الكلمة دي كانت كفاية تديني قوة.
—
وصلت المحكمة مع المحامي.
المكان كان زحمة.
الناس داخلة طالعة… وقضايا كتير حوالينا.
لكن عيني كانت بتدور على حسام.
ولما شفته…
حسيت بشيء غريب.
كان واقف بعيد… ووشه مليان ثقة.
وكأنه متأكد إنه هيكسب.
جنبُه كانت واقفة زوجته التانية منى.
وأولاده الصغيرين.
بص لي نظرة فيها تحدي.
لكن أنا حاولت أهدى.
دخلنا القاعة.
القاضي دخل… والجلسة بدأت.
المحامي بتاعي شرح للقاضي كل حاجة.
قال إن حسام حاول ياخد الأرض.
وسـ,ـرق الدهب.
وحاول يزوّر أوراق.
لكن محامي حسام وقف بسرعة وقال:
“الكلام ده غير صحيح.”
وبعدين قال جملة صدمتني:
“موكلي هو الضحية… زوجته سـ,ـرقت دهبه وأمواله.”
القاعة كلها بدأت تهمس.
القاضي بص لي وقال:
“هل لديك دليل؟”
كنت هتكلم…
لكن فجأة…
باب القاعة اتفتح.
