بعد 3 سنين غربة 1
بصيت لغوايش رضا اللي في إيد مرات أخويا، وللعربية الزيرو المتركونة تحت البيت، وللمعرض اللي فتحوه بدمي، وبصيت لمراتي اللي كانت بتموت بالبطيء.
ما صرختش.. ما ضربتش حد.
#الكاتب__رومانى__مكرم_
طلعت تليفوني من جيبي وبصيت لأمي وإبراهيم بكل برود وقولت: “أنا صفيت شغلي هناك ورجعت البلد خالص، ومعايا تسوية ونهاية خدمة بـ 5 مليون و600 ألف جنيه في الحساب، وجاي عشان نوزعهم ونأمن مستقبل العيلة.”
إبراهيم عينيه لمعت بالجشع: “5 مليون و600 ألف جنيه يا مصطفى?!”
ابتسمت بهدوء قربت من إبراهيم وحطيت إيدي على كتفه وطبطبت بالراحة، وأنا بتكلم بنبرة هادية بس المرار في صوتي كان يذوب الحديد: “الصوت ده كفيل يرجع كل حقى من غير ما ينقص مليم واحد.”
إبراهيم وشه اتخطف ومسك في ذراعي وهو بيتأتأ: “صوت إيه يا مصطفى؟ أنت بتسجل لنا ولا إيه?!”
بصيت لعينين إبراهيم اللي كانت بتترعش من الخوف، ورحت ساحب تليفوني بالراحة وحطيته في جيبي من غير ما أرد عليه بكلمة واحدة. التفتّ لرضا اللي كانت ماسكة فيا وكأنها خايفة تكون بحلم، شيلت بنتي فاطمة بأيدي الثانية ونزلت بيهم على السلم بكل ثبات، وأمي تجري ورايا وبتصرخ: “يا مصطفى استنى يا بني! بلاش تخرب بيتك وبيت أخوك عشان كليتين تعبانين! تعالى نتفاهم جوة الشقة!”
ما تلفّتش ورايا، نزلت للشارع وركبت أول عربية تاكسي، وأمي وإبراهيم ومراته واقفين في البلكونة يبصوا عليا بذهول وخوف. طلبت من السائق يودينا على أكبر مستشفى خاص في المحافظة. أول ما دخلنا حجزت لرضا غرفة خاصة، ودكاترة الطوارئ اتلموا حواليها، والتحاليل والأشعة أثبتت إن حالتها متدهورة جداً بسبب الإهمال وتأخير جلسات الغسيل والضغط النفسي، وبنتي فاطمة كانت بتصرخ من الجوع والخوف.
قعدت جنب رضا على السرير، مسكت إيدها المرتعشة وبستها، ودموعي نزلت مغرقة إيدها: “حقك وحق بنتنا بيرجع من النهاردة يا رضا، والشقى اللي شقيته مش هيروح هدر.”
رضا بصتلي بصوت ضعيف يادوب مسموع: “أنا مش عاوزة فلوس يا مصطفى.. أنا كنت بس عاوزاك جنبنا، أمك وأخوك أكلوا حقنا وحرموني من العلاج وكانوا بيسيبوني بالليالي أتوجع فوق السطوح.”
سيبت رضا مع الأطباء وبنتنا جنبها، وخرجت برة المستشفى وحسيت إن النار اللي جواه جسمي مش هتهدى إلا بالقانون. كلمت المحامي صاحبي “أستاذ حازم”، وقابلته في مكتبه وحكيت له كل حرف بالتفصيل، وتفريغ تسجيلات التليفون اللي سجلت فيها كلام أمي وإبراهيم وهم بيعترفوا بياخدوا فلوس العلاج عشان المعرض والعربية.
