صحيت من النوم

حماتي حلقتلي شعري وأنا نايمة… في نفس الليلة اللي رجعت فيها البيت بعد أكبر ترقية في شغلي. ولما صحيت لقيت الډم على المخدة، جوزي بصلي وقال بمنتهى البرود الشعر بيطول… اتعلمي تسمعي الكلام. وقتها ما صرختش… لكن أخدت قرار قلب حياتهم كلها.
صحيت على ۏجع بېحرق فروة راسي في الأول افتكرت إني بحلم، لكن لما رفعت إيدي على شعري، قلبي وقع مكان خصل شعري الطويل لقيت فراغات وخدوش وإيدي اتمليت بشعر واقع
قومت مڤزوعة وبصيت على المخدة كانت مليانة شعر… وفيها بقع ډم صغيرة لفيت وشي ناحية باب الأوضة
لقيت حماتي، سعاد واقفة بكل هدوء وفي إيديها ماكينة حلاقة كهربا ولا كانت خاېفة… ولا حتى ندمانة
بصتلي وقالت بمنتهى البرود
كويس إنك صحيتي
بصيتلها وأنا صوتي بيترعش
إنتِ عملتي إيه؟
قالت وهي بتحط الماكينة على الكومود
علمتك إن البيت ده ليه كبير… وإن الست مكانها بيتها مش قاعدة طول الوقت في الشغل
قبلها بساعات… كنت واقفة في احتفال رسمي بعد سنين طويلة من الشغل والتعب والسفر والدورات
واخدت ترقية كنت بحلم بيها من سنين
كل زمايلي كانوا بيباركولي وقادتي كانوا فخورين بيا رجعت البيت وأنا حاسة إن كل التعب اللي عديت بيه كان له قيمة مكنتش أعرف إن اللي مستنيني في بيتي… هيكون أسوأ من أي موقف عديت بيه في حياتي
بصيت لسعاد تاني وقلت
إنتِ حلقتيلي شعري وأنا نايمة؟
قالت بمنتهى

الثقة
أيوه أصل الست لما تنشغل بشغلها وتنسى بيتها… لازم حد يفوقها
في اللحظة دي كريم، جوزي خرج من أوضته على صوتنا بص على الماكينة… وبص على شعري…
وسكت ثواني كنت مستنية يقول لأمه إنتِ إزاي تعملي كده
لكنه قال
كان المفروض تبقي أهدى شوية يا أمي… جرحتيلها راسها
بصيتله بعدم تصديق
يعني ده كل اللي عندك؟
نفخ بضيق وقال
إنتِ بقالك فترة متغيرة الشغل واخدك من البيت.
كل يوم اجتماعات… ومأموريات… وترقيات
قلتله وأنا بحاول أمسك أعصابي
أنا اللي بدفع قسط البيت وأنا اللي بدفع الفواتير.
وأنا اللي بصرف على الأكل وكمان تأمين والدتك وعلاجها إنت مرتبك كله عمره ما كان يكفي أسبوع
سكت ثانية… وبعدين قال الجملة اللي أنهت جوازنا
قال
حتى لو… الراجل هو اللي كلمته تمشي
والشعر هيطول تاني بس الزوجة لازم تعرف حدودها
ساعتها حسيت إن أي كلمة زيادة ملهاش لازمة
دخلت الحمام وقفت قدام المراية
بصيت لنفسي نص شعري مټشوه… وچروح صغيرة مالية فروة راسي
خدت ماكينة الحلاقة من على الرخامة…
وشغلتها وفي أقل من دقيقتين…
شلت باقي شعري كله بإيدي لو في حد هيقرر شكلي… فهكون أنا خرجت من الحمام.
أول ما كريم شافني اټصدم.
قال
إنتِ عملتي إيه؟
ابتسمت لأول مرة من ساعة ما صحيت.
وقلت بهدوء
أقنعتوني من بكرة ههتم بكل حاجة
سعاد ابتسمت وهي فاكرة إنها انتصرت.
وقالت
أهو كده الكلام
ولا واحد فيهم خد باله إن هدوئي كان أخطر من أي خناقة لما ناموا…
فتحت اللاب توب قفلت كل الكروت البنكية الإضافية اللي كانوا بيستخدموها أوقفت كل الخصومات التلقائية الخاصة بالبيت حولت مرتبي لحساب تاني باسمي كلمت المحامي وبعتله كل المستندات اللي كان طالبها وبعدين حجزت معاد في القسم عشان أعمل محضر بالاعتداء وإثبات الإصابات قبل ما تروح أي آثار من على فروة راسي كل خطوة كانت قانونية وكل ورقة كانت متوثقة وكل قرار اتاخد… كان نهائي
تاني يوم الصبح لبست بدلتي الرسمية
كريم وسعاد كانوا فاكرين إني رايحة أقدم استقالتي لكن الحقيقة…
إني كنت رايحة أبدأ أول يوم في منصبي الجديد
وسايبالهم بيت كله فواتير مستحقة… وكروت موقوفة… وإنذار من محامي هيخليهم يفهموا إن اللي حصل الليلة دي… مش هيعدي ببساطة
وأنا خارجة من باب البيت… رن تليفوني كانت رسالة
من المحامي
قريتها… واتجمدت مكاني لأن اللي اكتشفه عن كريم وسعاد…كان أخطر بكتير من حكاية شعري
فضلت باصة للموبايل كام ثانية الرسالة كانت قصيرة
اتصلي بيا أول ما تقدري… في حاجة لازم تعرفيها قبل ما ترجعي البيت
حسيت إن في حاجة غلط
ركبت عربيتي واتصلت بالمحامي
رد بسرعة وقال
خير إنك كلمتيني
قلت
في إيه؟
قال
إنتِ كنتي مديّة جوزك توكيل على أي حاجة
قلت
لأ… مستحيل
قال
تمام… لأن في محاولة اتعملت من أسبوعين إنه يبيع العربية اللي باسمك لكن الشهر العقاري رفض عشان الإمضا مش مطابقة
اتجمدت
قلت
يعني كان بيزور إمضتي؟
قال
واضح كده… وده مش كل حاجة
فتحت التسجيلات اللي بعتها البنك ولقيت كذا محاولة إنه يطلع قرض باسمك، ولما البنك طلب حضورك بنفسك، الموضوع وقف.
قعدت ساكتة
افتكرت كل مرة كان يطلب مني أمضي ورق وأنا مستعجلة كل مرة يقول إجراءات البنك بس.
وأنا أثق فيه
المحامي كمل
أنا نصيحتي متواجهيهمش دلوقتي خليهم فاكرين إنك مش عارفة حاجة اقفلي كل حساباتك الأول.
وافصلي نفسك عنهم ماليا
قلت
تمام
قفلت المكالمة، وروحت شغلي أول يوم في المنصب الجديد كان مليان اجتماعات
حاولت أركز لكن كل شوية صورة المخدة اللي عليها دمي كانت تيجي قدام عيني
بعد الضهر خلصت شغلي
بدل ما أرجع البيت…
رحت القسم عملت محضر رسمي
وصورت كل الچروح بتقرير طبي
الظابط سألني
مين اللي عمل كده؟
قلت بمنتهى الهدو
حماتي… وجوزي كان موجود وما منعهاش
كتب كل كلمة وأخدت رقم المحضر بعدها على طول روحت البنك لغيت أي صلاحية لكريم على حساباتي وغيرت كل كلمات السر ولما خرجت…
لقيت موبايلي بيرن
كريم رديت قال بعصبية
إنتِ فين؟
قلت
بخلص كام مشوار
قال
أمي مستنياكي
قلت
خير؟
قال
عشان تقدمي استقالتك
ابتسمت من غير ما يشوفني
وقلت
متقلقش… كل حاجة هتحصل في وقتها
وقفلت
رجعت البيت بالليل أول ما دخلت… لقيت سعاد قاعدة في الصالون
قالت وهي باصة لراسي
الحمد لله عقلِتِ بكرة تبدأي تنظفي البيت وتتعلمي الطبخ بدل الشغل اللي ملوش لازمة
بصيتلها
لمحة نيوز